निर्देशकको बेहोसीमा बनेको अनपढ चलचित्र: धुँवा यो नशा

 

October 26, 2012 मितिमा रिलिज भएको चलचित्र ‘धुँवा यो नशा’ हालको मितिमा १ हप्ता लगाई ल्यापटपमा बल्लतल्ल हेरिसकेपछि मष्तिस्क सोच्न बाध्य भयो “अध्ययन नै नगरी किन बनिइन्छन् नेपाली चलचित्र ?”

‘धुँवा यो नशा’ त्यस्तै एक चलचित्र हो जसमा कथा ड्रग्सको छ तर ड्रगकै बारेमा अध्ययन नै नगरी मात्र क्यामेरा घुमाइएको छ र पात्रहरुलाई त्यहि क्यामेराको अघि बोल्न लगाइएको छ, बस। दृश्यमा के भन्ने, के गर्ने र के खिच्ने जस्ता कुराहरु निर्देशन पक्षले क्रमश: पात्र तथा क्यामेरापर्सनलाई राम्ररी सम्झाइबुझाइ आफु चाँही धुँवा तान्न गएको स्थिति छ किनकि दृश्यमा पात्र तथा क्यामेरापर्सनको उपस्थिति आभाष हुन्छ, निर्देशन पक्षको नाइँ। संवाद बोल्दाको प्लट कस्तो हुनुपर्छ, कसरी बोल्दा ठिक होला, अनि त्यो दृश्य त्यसरी नदेखाई यसरी देखाउदा के होला ? – यस्ता अनेक कुराहरु छन् जुन निर्देशन पक्षले विचार गर्ने कुरा हुन् तर निर्देशन पक्षले त्यस्ता कुरा वेवास्ता गरेपछि पात्र तथा क्यामेराम्यानले जे सिकाइएको छ त्यहि गरिदिएको चलचित्र हो – ‘धुँवा यो नशा’ अर्थात निर्देशकको अनुपस्थितिमा बनेको चलचित्र हो यो।

धारिलो तर धोका पाएको : धन्दा #Nepali_Movie

मिति 25 January, 2013 मा रिलिज भइ व्यवसायिक असफलताको स्वाद चाखेको नेपाली चलचित्र धन्दा हालको मितिमा DVD किनी ल्याई ल्यापटपमा कफीको चुस्कीसँगै हेरिरहँदा कफी कतिखेर चिसो भैसकेछ पत्तै पाइएन। चिसो कफी एकै साँसमा घुटुक्क पारियो। समयमै न्याय नगरेकोमा कफीलाई त भनियो नै साथै हेरिरहेको चलचित्रलाई नि भनियो – “ I am Sorry” – मनैदेखि।

Nepali Movie Dhanda Story in Short Form

अर्जुन(अर्पण थापा) गाउँको एक अस्थायी शिक्षक हो। अमेरिका गई केहि राम्रो जिन्दगी जिउने आशमा बाबुको स्वीकारोक्ति नहुँदानहुँदै पनि घरखेत धितोराखी ९ लाख काठमाडौँको म्यानपावर एजेन्सीलाई बुझाउँछ। म्यानपावरले धोका दिएपछि पैसा फिर्ता लिन जाँदा उल्टै मरणासन्न हुनेगरी खुकुरी प्रहार भएपछि कसैगरी बाँच्न त सफल हुन्छ तर कुरूप तथा क्षतविक्षत अनुहार, मानसिक असन्तुलन अनि मरेतुल्य जिन्दगी लिई। आफुलाई त्यो अवस्थामा ल्याईपुर्याउने एक-एकलाई धित नमरुञ्जेल मार्छ र अन्ततः सामान्य अवस्थामा नफर्कने गरी उसको कथा सकिन्छ।

Now Nepali Movie Dhanda in Review Platform

हामी ‘रे’ मा कति बिश्वस्त हुन्छौ भने त्यो ‘रे’ को रेतिले कसैको घाँटीनै रेटिंदा नि हामी ‘रे’ को आलाप रेट्न छोड्दैनौ। यस्तै ‘रे’ को रेटाइमा परेको हुनसक्छ – नेपाली चलचित्र धन्दा। “चलचित्र त धेरै नै हिंसात्मक छ अरे”, “रगतले लतपतिएका दृश्य देख्दा आङै सिरिंग हुन्छ रे” । केहि हदसम्म यी कुरा सत्य हुन् तर Wrong Turn, Final Destination जस्ता चलचित्रका DVD खोजीखोजी हेर्ने बानि परेका हामी युवा दर्शक भिडबाट भने त्यो ‘रे’को अपेक्षा चैं गरिएको थिएन। अपेक्षा थियो त सकारात्मक ‘रे’ को – “चलचित्रको निर्देशन र अभिनय त अति नै स्तरीय छ अरे”

कलिउड: कलिउडकै कथा भन्दैन #Nepali_Movie

“यहि हो… अनौठो, डरलाग्दो, कहालीलाग्दो तर रोमान्चक दुनियाँ – कलिउड” भन्दै January 18, 2013 मा रिलिज भएको नेपाली चलचित्र ‘कलिउड’ कफीको चुस्कीसँगै ल्यापटपमा हेरिरहँदा स्यालले बाघको छाला ओढी जंगलमा राज गर्न खोजेको कथा मानसपटलमा आई घुमिदियो एकछिन किनकि ‘कलिउड’ चलचित्रमा कलिउड नै छैन। भित्र कथा अर्कै छ – मात्र छाला कलिउडको ओढ्याइएको छ।

यो कथा कलिउडको हैन, हो त सिर्फ काव्याको। काव्या – जो कलिउडमा छिर्न र स्थापित हुन खोजिरहेकी छे, हुन्छे पनि। उसैको उतारचढावलाई कलिउड नामाकरण गर्न मिल्दैन किनकि एक व्यक्ति बिशेष भनेकै कलिउड कदापी हैन।

मेरो एउटा साथी छ: लेखकिय-निर्देशकिय केहि कमजोरी #Nepali_Movie

 

कोरियन मुवी A Millionaire’s First Love को Copy Paste मानिएको चलचित्र ‘मेरो एउटा साथी छ’ आफ्नो प्रदर्शनताका [September 11, 2009 – Nice Coincidence with 9/11 Twin Tower Date 🙂 ] एउटा राम्रै प्रतिक्रियाको परिधिमा आफुलाई पार्न सफल भएको थियो – मलाई जहाँसम्म लाग्छ।

DVD किनेर ल्याई (अहिले) हेरेपछि कमजोरीहरुको थाकनै निस्किए तर थोरै केही सबल पक्षहरुले धेरै कमजोरीहरुलाई दबाएको ‘मेरो एउटा साथी छ’ एक औसतभन्दा अलिकति माथिको राम्रो सिनेमा हो – मेरो लागि।

Strong Points of Nepali Movie – Mero Euta Sathi Cha (सबल पक्ष)

भिसा गर्ल – आँत भिज्छ, भिज्दैन गला #सुक्ष्म_विश्लेषण

नेपाली चलचित्र भिसा गर्ल हुन त 2012 Oct 05 अर्थात २०६९ असोज १९ गतेका दिन रिलिज भएको हो तर DVD ल्याई हेरीसकेपछि तत्कालिन समयमा मिश्रित त कहिँ अलि बढी आलोचित प्रतिकृया पाएको यस चलचित्रको बिषयमा खस्र्याकखुस्रुक केही नलेखी बस्नै सकिइएन।

रिलिज पश्चात चलचित्र सम्बन्धि आएका लेखहरु पढ्दा चलचित्र व्यवसायिक हिसाबमा चिप्लिएको भान हुन्छ, त्यो आफ्नै ठाउँमा छ तर त्यसको निर्देशनका साथै टिम वर्क तथा प्रस्तुतिकरणका बारेमा भने हेरीसकेपछि एउटा शब्द उच्चारण हुनपुग्यो – अब्बल !

प्रस्तुतिकरणप्रति अब्बलताका कारण अर्थाउनु अघि

Nepali Movie ‘Visa Girl’ Story in Short Form

आदित्य, संदेश र रियाज – तिन शहरिया युवा – NRN स्तुतिसँग मायाको खेल खेली अमेरिका हानिन चाहन्छन। आफु उत्कृस्ठ देखिन खुट्टा तानातान देखि हरेक तिकडम अपनाईन्छन् तर स्तुतिको व्वायफ्रेन्ड पहिलेदेखि रहेको थाहा हुन आएपछि छायाँ, प्राप्ति र हिसिला – जो पहिलेदेखि उनीहरुलाई मन पराउँदथे – सँग जोडी बनिनपुग्छन।

फेसबुक – फलत: एक फाल्तु फिलिम

अभिनेत्री झरना थापाको प्रस्तुति तथा सुनिल कुमार थापाको निर्माणमा कहलिएका मिडिया टाइकुन सुरज सुब्बा ‘नाल्बो’ द्द्वारा लिखित तथा निर्देशित ‘फेसबुक’ रिलिज भएको केहि समय पहिला (Friday September 7, 2012) नै हो । यसर्थ पनि यसको विश्लेषण त्यहि समयमा नै गरिएको भए बेश र बिशेष हुन्थ्यो तर नेपाली सिनेमा हेर्न जाँदा कपि र कलम लिई बस्ने बानि बसेकाले हलमै गएर नेपाली चलचित्र खासै हेरिन्न । डीभीडी किनेर वा कतैबाट कपि, डाउनलोड गरेर ल्यापटपमा कफी वा ग्रिन टी को चुस्कीसंगै मोनिटरको स्क्रिनमा नजर लगाउँदै यता कापीमा कलम दौडाइन्छ । अरुको त थाहा छैन तर यो कपि कलमको ट्रेन्ड म मा बसाएको नेपाली दर्शक लाटा छन् र जे नि पचाउँछन् भन्ने नेपाली चलचित्रकर्मिको ग्रसित मानसिकताले नै हो । यती कमी कमजोरी त्यो नि झारातिरुवा भेटिइन्छन् नेपाली चलचित्रमा कि सोधी हेर्न मन लाग्छ – किन र कसको लागि बन्यो बित्थामा यो चलचित्र ? आफ्नै मनोरन्जनको लागि बनाइएको हो भने मात्र एक ह्याण्डीक्याम नै इनफ हुन्थ्यो । यो ताकझाक, यत्रो खर्च कसको मनोरंजनको लागि ? दर्शकको ?? हाम्रो लागि थियो त केहि सुझबुझ नि प्रयोग गरिएको भए उत्तम हुन्थ्यो कि ???

म एक सचेत दर्शक हुँ र विश्लेषण गर्न पाउनु मेरो हक तथा अधिकारको कुरा हो ।