मन र मस्तिष्क संबाद

आज फेरी त्यहि

कथा दोहोरिएको छ

म बोल्नु र तिमी बोल्नु

एक साथ भएको छ

त्यसैले त हेर

नेपथ्यले बाजी मारेको छ !!!

तिमी हामीबिचको अधैर्यता

र त्यसबाट सृजित अन्यौलता

सुन्ने भन्दा बोल्ने हाम्रो बढी चाहना

फलत: कोलाहलपूर्ण अतिरंजित सिर्जना !!!

हाम्रो गनगन नै उसको खसखस

हाम्रो असमझदारी नै उसको तयारी

ठाडो कान, त्यो काग बडो चालाख छ

त्यसैले त हेर , फेरी बाजी मार्न उ पुरै तम्तयार छ !!!

हाम्रो अतालमेल र असंयता

उ अनभिज्ञ छैन

उसको र हाम्रो बाटो फरक

त्यो कदाचित हैन

मौकापरस्त उ मौकाको ताकमा छ

हाम्रो कमजोरीलाई बल बनाई

आफु अघि बढ्न उचित समयको खोजमा छ

पुन: बाजी मार्न अधैर्य उ

पूर्णतया प्रतिक्षारत छ! !!!

उ- अर्थात नेपथ्यका कालो कागहरु !!!

copyright reserved to http://www.ametya.blogspot.com