भेटी बिरोधी एक तर्क

Posted: February 20, 2009 in article आहा
b8b48-pashupatinathtemplenepal

Hinduism’s Holy Pashupatinath Temple

हरेक विषयमा ‘म’ को संयोजन लगाई लेख्नु सजिलो हुने रहेछ । यसर्थ पनि यस भेटी बिरोधी तर्कमा मैले भन्नै पर्ने हुन्छ – म भेटी बिरोधी हुँ । सानो सानोमा एक रुपैयाँको पनि लोभ लाग्ने भएकाले मन्दिरमा गएर भेटी चढाउनु मेरो मनलाई लोभले दिदैनथ्यो । तर पछि अलि ठुलो हुँदै गएपछि भने आफ्नै एक सिद्दान्तले रोकिरहेको छ । झट्ट हेर्दा कुरो रु एक को हो तर कुरा यहाँ एक भन्दा ठुलो भोकको हो ।

मानिस स्वभावैले जस्तो भएपनि उसँग जस्तो छैन भन्दा पनि केहि न केहि सिद्दान्त रहेकै हुँदा रहेछन् । हावाजस्ता लाग्ने (अन्यको लागि) त्यस्ता सिद्दान्त व्यक्ति आफै चाहेर पनि हटाउन नसक्ने रहेछ । भएन, यि सिद्दान्त त अलि सामाजिक मुल्य र मान्यता विपरित भए भनेर मनै मार्दा पनि तुष चाँही अन्तरमनमा गडेरै रहिरहने । हो, भेटी हिन्दु समाजको सभ्यता हो । भगवानको घर खाली हात जानु हुन्न भन्ने मान्यताको प्रतिक हो –भेटी । र यही मान्यताको विरुद्द छ मेरो सिद्दान्त जुन चाहेर पनि म बाट हट्न मानिरहेको छैन् । कुरा मात्र एक को हो र अलिक फरक ढंगले हेर्ने हो भने कुरा करौडौको हो र अझ मानवीय तवरले हेर्ने हो भने पेटीमा माग्न बसेका अपांग र अशक्त वृद्दवृद्दाको भोकको हो ।

तपाईं पशुपति प्रायश: गइरहनु हुन्छ भने मात्र २० मिनेट बाग्मती पूर्वी किनारमा बसी पशुपतितिर नियाल्नुहोस् । पशुपति उपल्लो परिसरबाट तल कालजयी मुर्ति(बाग्मती किनारमा अवस्थित) मा बर्षने भेटीका सिक्काहरुले तपाईं स्वयंलाई सोच्न बाध्य तुल्याउने छ –यो सब किन ?? सुख्खा जमिनमै चढाइएका ति भेटी स्वरुप सिक्काहरुलाई छेवैका बालकहरुले एक एक गरी टिपेको दृश्यले भलै कमसे कम यि बच्चाहरुले त पैसा कमाए भनि एक मनले सन्तोष गर्नुहुँदो हो तर तिनै भक्तिवादीहरुले जब पैसा खोलामा चढाँउछन् तब ??? सकि नसकि चुम्बक लगाई अथक प्रयास बाबजुद खोलामा फ्याकिएका पैसामध्ये मात्र १०% बालकहरुको हातमा पर्न जान्छ । भगवानलाई चढाउने एक अन्धविश्वासी दौडमा पैसाको अर्थको वेवास्ता किन ???

कुरा जाबो एक को त हो नि , कमाएको पैसाको एक तुच्छ रकम भगवानलाई अर्पण गरे त के भयो ? एक किसिमले धर्मै भयो । यदि यहि मानसिकतामा आधारित भई तपाईं भेटी चढाउँनु हुन्छ भने यो तपाईंको अन्धविश्वासी र पूरातन सोच हो न कि धर्मले सिकाएको बाटो । यदि त्यहि भगवानलाई हुर्रयाउने मात्र एककै सिको पेटीमा माग्न बसेकी कुनै वृद्दालाई दिनुहुन्छ भने – त्यो एकले त्यस वृद्दाको भोक टर्नेछ । धर्म यस मानेमा छ न कि हावाको तालमा जता पायो त्यतै कुनै उपलब्धिमुलक फ्यकाँइमा ।

धर्मको नाममा सधै दान र भेटीमा अग्रसर हुने हाम्रा हात कसैको मजदुरीमा भने सधै पछाडी नै रहने गरेका छन् । ठिकै छ, मजदुरी गर्यो भन्दैमा हिसाबकिताबै नगरी दिने हैन , उचित मुल्यांकन गरेर दिने हो तर यो बिनापत्थाको भेटी चाँही किन नि ??

भेटीको कुनै लेखाजोखा नभई ति सबै पुजारीको भागवन्डामा जाने कुरो सर्वविदितै तथ्य हो र पनि भेटीमा धर्म खोज्नु आफैमा मुर्खता हो साथै मानवियताको विरुद्द पनि, कारण छेवैमा एक अंपाग छ जो तपाईंसँग धेरै हैन मात्र रु. एक माग्दैछ र तपाईं त्यहि एक पुजारीको चरणमा अर्पण गर्दै हुनुहुन्छ । हावा तालमा फ्याँकिने पैसाले कसैको भोकै टर्छ भने के त्यसमा धर्म भेटिइदैन र ?? खोलामा खेर जाने पैसाले कसैको जीवन नै गुज्रिरहेको छ भने के त्यसमा धर्म (सन्तोष प्राप्ति) छैन र ???

संसार धर्ममा टिकेको छ , सत्य छ । धर्म अर्थात मानवियता न कि रुढिवादी र अवैज्ञानिक परम्परा । संस्कृति जोगाउनु हामी सबैको कर्तव्य हो तर परिवर्तन पनि आवश्यकताको एक रुप हो । मन्दिर जानु, भगवानप्रति आस्था राख्नु हाम्रो संस्कृति हो , तर मानवियता मुल मन्त्र हो जुनसुकै धर्मको । मानवियता आफु रित्तिएर अरुलाई देउ हैन , छ र खेर जाँदैछ भने देउ भन्ने मात्र हो । भेटी एक त्यस्तै खेर हो , जुन तपाईं हामी मन्दिर भन्ने स्थानमा त्यत्तिकै फ्याँकिरहेका छौ । मन्दिर जाऔं , फुल, अछेता चढाऔं तर भेटी चाँही मन्दिरमा नभै छेवैको वृद्दवृद्दा, अंपागलाई चढाऔं । के यसमा संस्कृति जगेर्ना सँगै मानविय धर्मको परिचय मिल्दैन र ?? मन्दिरमा निरर्थक फ्याकिरहेको रु. एक कसैको भोक टर्ने मेलो हो । आवश्यक्ता छ, मात्र मानविय संवेदना मिश्रित एक दृष्टिकोणको न कि चलिआएको परम्परा जोगाउने यथास्थितिवादी कठोर सोचको ।

Comments
  1. मिलन says:

    अमेत्यले मेरो मेरो मन कै कुरा खोले | अरु साधारण युबक झै म मा पनि भगवान प्रति बिस्वास, अबिस्वास, शंका सबथोक छ | तर कम्तिमा एक कुरामा भने म पनि उ झै प्रस्ट छू … खोलामा बगाउने वा मूर्तिमा फ्यालिने पैसाले कसैको हित गर्दैन …

    Like

  2. dai says:

    I loved it.

    If you believe in god, everything belongs to him. No need to “give” him

    That means we are wasting the “money” that way.

    Like

  3. dai says:

    Thanks for dropping by … I was updating my layout for time!

    How does it look like now?
    🙂

    Like

  4. prakass says:

    I really dont believe in god.Those are all death spirits,never get anything praying them.Rather pray your work which gives u to live and takes your children away from hunger..If u give the money to those elderly people ,it makes a great difference..it will decrease not only helping them but also decreasing num. of strikes in Nepal.I mean chakkajam in Nepali..do you know how?next year the economically corrupted people counts the money in temple which will be seen less(as pandits are real bandits ),so as a result people gets angry coz of less money seen in temple as of the year and again strike must be done to pressurize prachandassssss..help not only to those helpless elders but also help to keep nepal out of strikes.

    Like

Leave a Reply using mail or your social media FB, Twitter etc.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s