गिरिजा मर्यो भने म पनि मर्छु त ?

‘बच्चा कसरी जन्मन्छ, ममि?’  बालसुलभ मष्तिष्कले सोधिरहने प्रश्न मध्ये एक हो यो । यस्ता उटपट्याङ प्रश्नको उत्तर पनि उटपट्याङ तरिकाले दिन हाम्री आमाहरु हरहमेशा तत्पर रहन्थे । तर पछी उमेर बढ्दै गएपछी हे ! यि आमालाई त्यती आउँदैन रहेछ भनी बाबुतिर प्रश्न तेर्साउन थाल्थ्यौ । यो प्रकृतिकै नियम होला, हरेक कुरा जान्न खोज्ने । कुरै कुरामा मैले बुवालाई सोधेको थिए,

‘बुवा, राजा मर्यो भने के हुन्छ ?’
‘के हुनु नि, राजाको छोरो राजा हुन्छ’
‘कोही नै नरहने गरी सप्पै मरे भने नि ?’
‘नजिकको जो छ, उही राजा हुन्छ’

नभन्दै त्यस्तै २ बर्षपछि नारायणहिटी हत्याकाण्ड भयो ।

अहिले २ दिनदेखी बजार तातिएको छ, गिरिजा मर्यो अरे भनी ।
‘बुवा, यस्तै बेलामा गिरिजा भ्याट्ट मर्यो भने?’
प्रश्नै प्रश्नको जंजालमा मैले यो प्रश्न शान्ती सम्झौता ताका गरेको याद आयो ।

गिरिजा मर्नुमा म अत्यास भएको हैन , यो गिरिजा मरे अर्को आउला । ‘मर्यो भने ?’ प्रश्नको भकारीमा एउटा प्रश्न अझै छ

‘बुवा, बाटोमा हिड्दा हिड्दै म मरे भने ?’

मर्नसँग ‘म’ पात्र डराएको हैन, तर भर्खर जिन्दगीलाई महसुस गर्न थालेको यो ‘म’ पात्रलाई यसरी जिन्दगीले नै साथ छोडिदिने हो भने………