संघर्षरत – त्यो दियो

संघर्षरत त्यो दियो  – आँखा चिम्लेर एक चोटि सोची हेर त ! त्यो दियो तिमी नै हो जो संघर्षरत छौ । अहिले सफलताको पथमा छौ भने पनि अतितमा त एक पटक थियौ नै ।  हैन त  ???

ब्यवधानका हुरि चल्दा
जाग्दो, अझ जुर्मुराउँदो
आशाका किरण साथमा लिइ
निराशाका काला बादलबिच
निभ्दो , बल्दो
संघर्षरत – एक दियो ।

प्रकाश खोज्दछ त्यो
आफै भित्र छ ,जान्दैन बिचरो
आफ्नै छाँयासँग भागी हिड्छ
कति अज्ञानी – त्यो दियो ।

अन्धकारका गल्लि गल्लि बिच
धिप धिप एक उज्यालो
निष्कपट कालरात्री चिर्दै
गोरेटो देखाउँदो – त्यो दियो ।

गोरेटो !! एक अन्त्यहिन लक्ष्य
देखिदो , बिलाउँदो
फेरि टुप्लुक्क हराउँदो

दियो ! कति खोज्दो हो?
अन्त्यहिन लक्ष्यका पदचिन्हहरु
तेलको अधिन रहि
निस्सासिदो जिन्दगी जिउँदो – त्यो दियो ।।।