तीनमा एकछिन

 एकै दिनका यि तीन वार्तालापलाई एकछिन सोची हेर्ने कि ?
 

बिहान:-

‘सुन्नुभो, ममता स्कुल जान्छु भन्छे’
‘पर्दैन, पर्दैन, यो स्कुल गए घरको काम चै कल्ले गर्छ नि?’T.V. को आवाज  कम गर्दै अंकल कड्कीए ।
‘फेरी यसका बाबुआमा कराउन थाले भने ?’
‘तलबमा २-३ सय बढाइदिउला भन्देउन, चुप लागिहाल्छन नि’
ढोकाको चेपमा कुचो लिइ कुरो सुनिरहेकी ममताको आँखाबाट एक आँशु तप्प चुहियो ।

दिउँसो-(बैंकमा)

‘अरे, किन औठा छाप, सही गर्न आउँदैन ? तिनै अंकल ।
‘बाबुआमाले छोरालाई मात्र पढ्न पठाए, अनि’ कालो पुछ्दै ति महिला ।
“अहिले पनि प्रौढ शिक्षाहरु हुन्छ त, पढनु नि’
‘नाम मात्र लेख्न सिके ठिकै हुन्थो, अब पढ्छु’
छेवैमा रहेका माड्साबसँग हल्का मुस्कुराए हाम्रा अंकल ।

बेलुका-(घरको पार्टिमा)

हातमा वाइन छ
‘पहिले छोरा र छोरीबीच भेदभाव हुनाले आज ति महिलाले छाप लाउनुपर्‍यो, हैन माड्साब’
‘अहिले पनि कती ठाउँमा भेदभाव नै छ’
‘मेरो मा त फिटिक्कै छैन, उल्टै छोरीलाई महँगो बोंडिङ्गमा बोर्डस
गरदर्‍या छु’ अंकल गजक्क हुँदै भने ।
पृष्‍ठभुमिमा ममताले गिलास टिप्दै गरेको दृश्य देखियो ।